Home Imikino Nyuma y’imyaka 9, Cristiano Ronaldo yahinduye umuvuno

Nyuma y’imyaka 9, Cristiano Ronaldo yahinduye umuvuno

2205
0

Umukinnyi w’icyamamare mu mupira w’amaguru, umunya Portugal Cristiano Ronaldo dos Santos Aveiro yamaze kuva mu ikipe ya Real Madrid yerekeza mu butaliyani mu ikipe ya Juventus

Ibi byatangajwe n’ikipe ya Real Madrid ko iyi kipe yamaze kumvikana n’ubuyobozi bwa Juventus de turin ko Christiano ajya gukinira iyo kipe mu gihe cy’imyaka 5.Muri icyo gihe cy’imyaka itanu kandi uyu mukinnyi akazajya ahembwa ibihumbi 500 by’ama Euro ku cyumweru.

Abafana b’ikipe ya Juventus bo ibyishimo byakomeje kubasaga nyuma yo kumva inkuru y’uko uyu mukinnyi agiye kubakinira mu gihe cy’imyaka ine.

Cristiano Ronaldo agurishijwe miliyoni 83 z’ama euro, yari amaze imyaka 9 muri Real Madrid

Ballon d’or enye yazitwaye ari muri Real Madrid

Muri iyi kipe ya Real Madrid Cristiano Ronaldo w’imyaka 33 yayihesheje ibikombe byinshi birimo ibya shampiyona y’igihugu ndetse n’igikombe gikuru ku mugabane w’uburayi Championslegue yatwaye inshuro enye.

Kimwe mu byo yari yatangaje ko byatuma ava muri Real Madrid, harimo ikibazo cy’imisoro myinshi yo muri Espagne, kuba atitabwaho no kuba atarahawe kontaro y’amafaranga menshi aruta aya Lionel Messi ukinira ikipe ya FC Barcelone.

Abafana ba Juventus batangiye gutekereza uko uyu mukinnyi azaba yambaye mu kibuga

Cristiano Ronaldo avuye mu ikipe ya Real Madrid nyuma yaho we n’umutoza we Zinedine zidane(nawe weguye ku mwanya w’ubutoza) bayihesheje igikombe cya gatatu cya Champions league.

Cristiano Ronaldo yageze muri Real Madrid mu mwaka 2009 avuye mu ikipe ya Manchester united, yari akinnyemo imyaka itanduatu. yagurishijwe miliyoni 80 z’ama Euro,icyo gihe yari afite imyaka 23.

Bimwe mu byaranze Cristiano Ronaldo muri Real Madrid

–           Yatsinze ibitego 450 mu mikino 438.

–           Yatsinze ibitego 17 muri Champions League mu mwaka 2013-2014

–           Yatsinze ibitego 105 muri Champions League

–           Yatwaye ibikombe 4 bya Champions League ari kumwe na Real Madrid.

–           Yatsinze ibitego 311 muri shampiyona yo muri Espagne LaLiga

–           Yatwaye LaLiga mu mwaka 2011-12 no mu mwaka 2016-17

–           Ibikombe 16 muri rusange, mu marushanwa yose yakinnye.

–           Yatwaye igikombe 4 nk’umukinnyi mwiza,na kimwe yakuye muri Manchester U.

–           Yatsinze hat tricks inshuro 44 muri la Liga.

–           Yatsinze ibitego umunani mu mukino umwe muri Laliga

LEAVE A REPLY

Please enter your comment!
Please enter your name here