Nkuko bitangazwa na n’ubwami bwa Arabiya Saudite buravuga ko bwiteguye kwakira miliyoni imwe n’ibihumbi bagana arindwi y’abantu baje gukora umutambagiro mutagatifu Hijja ukorerwa i Makkah no mu nkengero z’umusigiti wa Makkah, iyi mibare ikaba yariyongereyeho 7% ugereranyije n’umwaka ushize wa 2018.
Ibiro ntaramakuru bya Saudiya SPA biravuga ko kuri uyu wa mbere abaje baje gukora umutambagiro banyuze inzira y’indege ari 1,664,974 mu gihe abanyuze inzira y’ubutaka bagera ku bihumbi 92, 844 mu gihe abanyuze inzira y’amazi bo ari ibihumbi 17, 249 bose bakuzuza umubare wa mliyoni 1,775,067.
Iyi mibare yatangajwe ikaba yiyongeraho 7% w’abitabiriye umutambagiro mutagatifu umwaka ushize w’2018 ungana n’abantu ibihumbi 117,223, iki gihugu kikaba cyakira abandi bantu baje mu mutambagiro kugeza nibura kuwa gatanu w’iki cyumweru.
Umwaka ushize Arabiya Sawudite yatangaje ko abakoze umutambagiro bose ari miliyoni 2, 371,675.
Abayislam bo mu Rwanda bitabiriye uyu mutambagiro ni 85, nyamara hari ibihugu bifite abantu benshi bagiye gukora uyu mutambagiro nko muri Nigeria, abagiye kuwukora ni 65,000.
Hijja ni imwe mu nkingi zigize Islam, ikaba ikorwa rimwe mu buzima ku muntu uyishoboye, ibanzirizwa no kwemera Islam, Gusenga, Gusiba no gutanga Amaturo.
Bihibindi Nuhu
