Sheikh Shaban yubakiwe iriba muri Aziya

Sheikh Shabana Nduwimana witabye Imana mu ijoro ryo kuwa kane rishyira kuwa gatanu, umuryango Benaa for cultute & development uharanira, umuco n’iterambere ufite icyicaro mu gihugu cya Arabiya saudite wamaze kubakira abaturage bahitwa Takbawo mu gihugu cya Cambodge (soma Kamboji) iriba ryitiriwe Sheikh Shaban Nduwimana rikazajya ribaha amazi ku buntu ubuzi bwabo bwose.

Uyu muryango uvuga ko Nyakwigendera sheikh Shaban  Nduwimana yubakiwe iriba nk’ituro rihoraho yahawe n’uyu muryango kubera ibikorwa bye by’indashyikirwa byamuranze mu buzima bwe bw’ibwirizabutumwa yakoreraga mu Rwanda.

Iri riba ryubakiwe Sheikh Shaban rije rikurikira ayandi uyu muryango wubakiye bamwe mu bantu bagiye bitangira ibikorwa by’ibwirizabutumwa rya Islam hirya no hino ku isi, rikaba ryari irya 517.

Mu nyigisho z’idini ya Islam, zivuga ko iyo umuntu apfuye ibikorwa byose  bihagarara uretse ibintu bitatu bikomeza, harimo abana yabyaye asize bahora bamusabira ku mana, igikorwaremezo yubatse gifitiye inyungu rubanda, ndetse n’ubumenyi yigishije bwagiririye abantu akamaro.

Kubakirwa iriba ry’amazi kikaba ari igikorwa kiri muri ibi bitatu, kuko guha amazi ari ituro ryiza, aho abazakoresha aya mazi bose, ibihembo ku mana bizajya kuri uyu musheikh, bikaba kandi mu nyigisho ziri mu zigishijwe n’intumwa y’Imana Muhamad nka rimwe mu maturo meza yo gukora.

Umuryango Peace Association and Culture development ni umuryango ufite icyicaro mu gihugu cya Arabiya Saudite, ukorera mu bihugu bitandukanye byo ku isi, amakuru atugeraho avuga ko wandikiye umuryango w’abayislam mu Rwanda gukorera gukorera mu Rwanda.

Nyakwigendera Sheikh Shaban Nduwimana yitabye Imana afite imyaka 58, yize kaminuza mu gihugu cya Libiya ariko mu bandi basheikh akaba yarakundaga kwiyita umukomvwayeri nka bamwe bishyuzaga ku matagizi kuko yemezaga ko nta bumenyi bwamugira sheikh afite.

Bihibindi Nuhu