Perezida wa Leta zunze ubumwe z’amerika Donald Trump yatangaje kuri uyu wa gatandatu urupfu rwa Hamza bin Laden, umuhungu wa Osama bin Laden wayoboraga umutwe wa Al qaida ndetse n’umucurabwenge w’ibitero byagabwe kuri amerika tariki ya 11 Nzeri 2001.
Hamza bin Laden w’imyaka 30, yari yashyiriweho miliyoni y’idorari ku muntu uzatangaza aho aherereye, yiciwe ku mipaka ya Afhanistan na Pakistan mu bikorwa by’Amerika byo kurwanya iterabwoba.
Uyu musore washakishaga bikomeye na Amerika niwe wafatwaga nk’umwe mu bafite ijambo rikomeye mu bikorwa bya Al qaida igaba hirya no hino ku isi
Mu kwezi kwa karindwi intazi za z’amerika leta zunze ubumwe Amerika zatangaje ko uyu musore yishwe, cyakora ibi bikaba byari byaratangajwe mu myaka ibiri ishize.
Dailymail dukesha iyi nkuru iravuga ko umunyamabanga wa Leta zunze ubumwe z’amerika ushinzwe umutekano Mark Esper yemeje uru rupfu mu kwezi gushize kwa munani cyakora Donald Trump n’abandi bategetsi ba Amerika bo hejuru birinda kuyemeza.
Itangazo ryashyizwe ahagaragara n’ibiro bya perezida w’amerika mu gitondo cyo kuri uyu wa gatandatu, Trump yatangaje ko umwe mu bayobozi bakuru ba al Qaida yishwe mu bikorwa byo kurwanya iterabwoba mu duce twa Afganistan na Pakistan.
Iri tangazo rivuga ko n’ubwo uyu musore yishwe bitavuga ko imbaraga za Al Qaida zishegeshwe ko ahubwo ko bakoze mu nkokora ibikorwa by’iterabwoba n’andi matsinda y’iterabwoba ari hirya no hino ku isi.
