Ubwo abayislam bizihizaga umunsi mukuru w’ilayidi i Kinshasa,havutse intugunda hagati y’abayobozi babiri bahanganiye kuyobora abayislam bakozanyijeho buri umwe ari we ushaka kuyobora isengsho rya iddil Fitri.
Kuri stade Martyrs ubwo abayislam bari bahazindukiye bategereje gukora isengesho ry’Ilayidim batunguwe no kubona aba sheikh babiri buri ruhande rufite abarushyigikiye, rushaka kuyobora isengesho biba ngombwa ko polisi ariyo ihosha imvururu, nayo imodoka yayo irahatwikirwa.
Mu guhosha imvururu, Polisi yakoresheje imyuka iryana mu maso mu rwego rwo gutatanya abayislam bari bakubise buzuye, batangira guhangana na Polisi ya Repubulika iharanira demokarasi ya kongo.
Amamkuru dukesha ikinyamakuru Mediacongo aravuga ko mu mvururu zavutse kuri iki kibuga,polisi yatangaje ko haguyemo umupolisi umwe wari hafi y’imodoka ya polisi naho izindi 5 zirangizwa bikomeye.
Mu bahanganye harimo Sheikh Abdallah Mangala Luaba wari Mufti mukuru wa COMICO umaze igihe kinini ayoboye ishyirahamwe ry’abayislam rya RDC ryitwa COMICO wahangaye na Imam Sheikh Youssouf Djibonda kapiepia uherutse gutorerwa kuyobora COMICO nawe uvuga ko ayobora uyu muryango w’abayislam nawe akaba afite abantu bamushyigikiye kandi nabo bafite ubushobozi.
Izi mvururu zatumye kandi uyobora umujyi wa Kinshasa Geantiny Ngobila abahamagaza bombi abajyana mu biganiro by’ubwiyungue byabereye ku cyicaro cy’ibiro by’umujyi wa Kinshssa, ariko abayislam bagombaga gusengera kuri stade Martyrs bo bakaba batashye badakoze iryo sengesho.
Uretse kumvikanisha aba bombi, Guverineri yari yasabye ko ushoje manda ariwe Sheikh Abdallah yazayobora isengesho rya Iddil fitri naho mugenzi we Sheikh Yusuf akaba ariwe utanga ubutumwa bwa Iddil Fitri buzwi nka Khutba cyakora abayislam b’i Kinshasa barabyanga bavuga ko batakimushaka kuko ayoboye igihe kirenga imyaka 10,akaba yararanzwe no kwigwizaho ibya COMICO.
Muri iki gihugu hashize igihe hari ibibazo mu muryango w’abayislam muri COMICO aho hari impande ebyiri zihanganiye ubuyobozi, aho kugeza ubu bafite abafatwa nka ba Mufti babiri aribo Sheikh Abdallah Mangala Luaba na Sheikh Youssuf Djibonda Kapiapia
