Ramadhan2021: Abayislam bari gusiba hagati y’amasaha 11 na 21

Igisibo cy’ukwezi kwa ramadhan cyatangiye tariki ya 13 z’ukwezi kwa kane 2021, abayislam bo hirya no hino bakaba bakimazemo igihe kirenze iminsi 20 aho babura iminsi iri hagati y’icyenda cyangwa icumi ngobagisoze, ari nako bagikora mu buryo butandukanye cyane cyane igihe bamara basibye,

Mu bushakashatsi bwakozwe na televiziyo mpuzamahanga yo muri Qatar yitwa Aljazeera ivuga ko hari bimwe mu bihugu bisiba igihe gito hakabaho n’ibihugu bisiba igihe kirekire cyane bitewe n’aho biri ndetse naho ibihe byo gusiba bigeze.

Bimwe muri ibyo bihugu bikora igisibo igihe kirekire harimo ibyo ku mpera y’isi (pole Nord cyangwa Northern Hemisphere) nk’ahita Nuuk mu gihugu cya Greenland n’ahitwa Reykjavik muri Iceland aho basiba hagati y’amasaha 19 na 20 bivuze ko baba bemerewe gufata ifunguro mu gihe cy’amasaha ane yonyine.

Ibindi bihugu nabyo bisiba igihe kinini harimo Finland, Suede, Norvege, Danmark, Scotland, Ubudage, Ubuholandi, Pologne,Uubufaransa,Kazaksstan, na bimwe mu bihugu byo ku mugabane w’uburayi  abayislam bahatuye basiba hagati y,amasaha 16 na 18 bigasobanura ko baba bemerewe kurya,kunywa n’ibindi biba bibujijwe ku manywa y’ihangu mu gihe cy’amasaha 6 n’umunani bagasubira mu gisibo.

Mu gihe hari abayislam batuye mu bihugu bimara igihe kinini mu gisibo,hari abandi  igisibo kiborohera bigatuma bamara igihe gito nk’abatuye mu bihugu bya Nouvel Zeland,Chili,Australia,Uruguay,Afurika y’epfo n’ahandi bari hagati y’amasaha 11 na 21 gusa.

Mu Rwanda, uyu mwaka wa 2021, abayislam baho batangiye basiba amasaha11 n’iminota 44 bakazasoza iki gisibo bari gusiba amasaha 11 n’iminota 14, aho biteganijwe ko gishobora gusozwa tariki ya 11 Gicurasi cyangwa 12 Gicurasi uyu mwaka ,aho abayislam baba bujuje iminsi 29 cyangwa 30 bategetse gusiba muri uku kwezi kwa Ramadhan, gizoza ari uko babonye imboneko y’ukwezi.