Urukiko mpuzamahanga mpanabyaha (ICC) rukorera i Lahaye mu buholandi remake ko tugiye gukora iperereza ryimbitse ku ibyaha byakorewe abarohingya muri Birimaniya.
Abarohingya bakomoka mu majyepfo ya Aziya, ni bumwe mu bwoko bwa ba nyamuke busigaye ariko butorohewe mu gihugu cya Birimaniya cyangwa Mynamar, igihugu cyamenyekanye kubera Ang Saan Suu Kyi wahawe igihembo cya Nobel ariko nawe utemera aba ba Rohingya.
Inkuru dukesha Aljazeera iravuga ko Abacamanza ba ICC kuri uyu wa kane bashtigikiye ko hakorwa iperereza ku ibyaha bivugwa ko byakorewe abarohingya b’abayislam birimo ibyibasiye inyokomuntu n’ubugome bakorewe n’igisirikare cya Birimaniya kuva mu mwaka 2017.
Iki cyemezo cya ICC kije nyuma yaho Ang San Suu Kyi uyobora Birimaniya akomeje kurusha akarumira ku bwicanyi bw’abarohingya, ndetse iki kiganiro kivuga ku barohingya aba adashaka kugira icyo abikoraho.
Abantu barenga ibihumbi 740 by’abarohingya bahunze igihugu aho bari mu makambi yo mu gihugu cya Bangladesh nyuma yo guhunga ihohoterwa rihambaye abashakashatsi ba LONI bise jenoside.
Igihugu cya Gambia kuwa mbere w’iki cyumweru nicyo cyatanze ikirego muri uru rukiko aho kirega Birimaniya gukora jenoside.
Mu kwezi kwa 12 uyu mwaka, igihugu cya Gambiya kizumvwa aho kizagaragaza ikirego cyacyo ndetse kikazaba gihagarariye ibihugu 57 biri mu muryango mpuzamahanga wa Kislam.
Mu mwaka wa 2017, impuguke za LONI zatanze raporo ku kanama gashinzwe amahoro ku isi k’umuryango wabibumbye zigaragaza ko ingabo za Birimaniya zakoze jenoside, kensi ko raporo yazo yahabwa urukiko mpuzamahanga mpanabyaha ariko aka kanama ntacyo kakoze.
Abarohingya ni ubwoko bugizwe n’abahinde bavanze n’aba Aryan baboneka mu bice byo muri Aziya, ubu bwoko nyamuke bukaba butuye muri Birimaniya, muri leta yitwa Rakhine, LONI ivuga ko hagati y’umwaka wa 2016 na 2017 bari Miliyoni, ariko benshi muri bo bakaba barahunze ubwicanyi bwakorerwa n’ingabo za leta ku buryo abaharanira uburenganzira bwa muntu bakomeje kuvuga ko ubu bwoko bukorerwa jenoside
Bihibindi Nuhu
