Rutahizamu w’ikipe y’Ingabo, APR FC, Bizimana Yannick acumbikiwe n’Urwego rwa Polisi y’Igihugu, nyuma yo gufatwa yarengeje amasaha yo gutaha ndetse yananyweye inzoga kandi nta wemerewe gutwara imodoka yafashe ku bisindisha.
Amakuru avuga ko Bizimana acumbikiwe na Polisi, yamenyekanye mu gitondo cyo kuri uyu wa Gatatu. Gufatwa kwe byabaye mu ijoro ryo ku wa Kabiri tariki 1 Werurwe i Nyamirambo ahita anacumbikirwa kuri Sitasiyo ya Polisi ya Nyamirambo.
Kugeza ubu ntacyo ikipe ya APR FC iratangaza kuri aya makuru ndetse UMUYOBORO wifuje kumenya icyo Urwego rwa Polisi ruvuga kuri aya makuru, ariko Umuvugizi wa Polisi y’u Rwanda, CP John Bosco Kabera ariko ntibyakunda.
Uyu musore abaye undi mukinnyi w’iyi kipe y’Ingabo, ugaragaweho imyitwarire mibi y’ubusinzi nyuma ya Niyonzima Olivier Seifu wahise anirikanwa muri iyi kipe umwaka ushize.
Ibi bibaye kandi, mu gihe iyi kipe iri mu rugamba rwo gushaka igikombe cya shampiyona y’uyu mwaka, cyane ko inganya amanota na Kiyovu Sports (41).
