Umukinnyi w’icyamamare ukinira ikipe ya Real Madrid Christiano Ronaldo yamaze kumvikana n’ubuyobozi bwa Espagne kwishyura imisoro ifite agaciro ka miliyoni 18 z’ama euro zihwanye. Aya mafaranga akaba akubiyemo kwishyura amande ndetse n’igihano yagombaga guhabwa kingana n’imyaka ibiri y’igifungo
Christiano Ronaldo,yagombaga gufungwa imyaka ibiri y’igifungo(Photo:Aljazeera)
Bamwe mu bantu bo mu muryango we, nibo baritangarije itangazamakuru ryo mu gihugu cya Espagne kuri uyu wa gatanu.
Christiano Ronaldo ni umukinnyi w’ikirangirire wa Real Madrid w’ibihe byose yemeye icyaha cyo kunyereza imisoro,yashoboraga gufungwa imyaka ibiri. Ronaldo nawe yaje kuri uru rutonde rw’abakinnyi banyereje imisoro arusangaho abandi bakinnyi barimo Lionel Messi ukinira ikipe ya FC Barcelone.
Uyu musore w’imyaka 33 yashinjwe n’ubushinjacyaha bwa Espagne kunyereza miliyoni 14,7 z’ama euro, cyakora we n’itsinda rimuhagarariye rikaba ryarahakanye ibi birego.
Mu biganiro hagati y’itsinda rihagarariye Christiano Ronaldo n’ubutabera bwa Espagne bemeranyije ko atazafungwa.
