Urubyiruko n’inkumi bibumbiye muri Imena Family yahoze ibarizwa muri AERG Imfura yo mu kigo cy’amashuri cya ESSI Nyamirambo kiri kwa Kadafi bashyize indabo ku rukuta rwanditseho amazina y’abari abarimu, abanyeshuri n’abakozi bo mu kigo ndangamuco wa Kislam kiri i Nyamirambo.
Ni umuhango wateguwe n’iri huriro ryaba bana bize kwa kwa Kadafi mu myaka ya za 2009 bari bibumbuye muri AERG bagamije kwibuka abari abakozi b’iki kigo cyabahaye ubumenyi mu myaka 10 ishize.
Uyobora IMENA Family Abdoulghani Sankara yavuze ko kwibuka no gushyira indabo ku rukuta ruriho amazina muri iki kigo, rugaragaraho abahoze ari abaraimu bigisha cyangwa ari abakozi mu kigo cya ESSI Nyamirambo biri muri gahunda bihaye ya buri mwaka yo kuza kubibuka ndetse bakaba barabigize inshingano kuri bo.
Umuryango Imena, ni bamwe mu banyeshuri bahoze biga muri ESSI Nyamirambo
Banagarutse kuri uru rukuta rwubatswe umwaka ushize wa 2018, nyuma yo kurusaba mu mwaka 2009, ndetse banashimira AERG IMFURA ibikorwa bitandukanye bakorera mu kigo cya ESSI birimo gufashanya mu rwego rwo kurushaho gutsinda bakazigirira umumaro .
Umuyobozi w‘iki kigo cya ESSI Nyamirambo Habakubaho Issa yavuze ko bishimiye bikomeye kuba abana barerewe muri iki kigo bagaruka, bakibuka aho bakuye ubumenyi ariko by’umwihariko bakagaruka baje kwibuka abazize jenoside yakorewe abatutsi.
Bashyira indabo mu rukuta ruriho amazina y’abahoze ari abakoze bo kwa Kadafi
Yabijeje ko nta nta na rimwe bazaba kure ya AERG IMFURA, ndetse na Imena Family mu rwego rwo kubatera inkuga mu bishoboka byose
Umuyobozi w’ikigo cya ESSI Nyamirambo kandi yaboneyeho kuvuga ko mu gihe cy’icyumweru cy’icyunamo bazajya bifatanya n’uyu muryango bagashyira indabo ku rukuta ruriho abazize jenoside yakorewe abatutsi, igikorwa nyirizina cy’ikigo bakagikora ku buryo burambuye mu gihembwe cya kabiri.
Ubuyobozi bw’ikigo ndangamuco wa Kislam bashyira Indabo ku rukuta ruriho amazina y’abishwe mu gihe cya jenoside
Ubuyobozi bw’ikigo ndangamuco wa Kislam kiri i Nyamirambo, bwavuze ko buzakomeza kwifatanya n’abanyeshuri ndetse ba buri wese warokotse jenoside yakorewe abatutsi mu 1994, bunabizeza kuzakomeza kubaba hafi no kubihanganisha.
Umuryango Imena ugizwe n’abanyeshuri bahoze muri AERG Imfura, kuri ubu bakaba bageze ku bantu barenga 136. Ku rwego rw’ikigo cya ESSI Nyamirambo,biteganyijwe ko bazibuka tariki ya 14 Kamena 2019.
Bafata umunota wo kwibuka
Abagize Imena Family bashyira indabo ku rukuta rwanditseho amazina
Amabendera aracyururutse
