Inama nkuru y’abamenyi mu gihugu cya Arabiya sawudite yafashe icyemezo cyo guhagarika amasengesho y’imbaga ku ruhame n’ijuma uretse imisigiti ya Makka na Madina
Ibi bije nyuma y’inama bahawe n’abashinzwe ubuzima muri iki gihugu mu rwego rwo gukumira ikwirakwira ry’icyorezo cya Koronavirus.
Mu nama idasanzwe ya 25 yabereye i Riyadh kuri uyu kabiri yafashe iki cyemezo mu rwego gutera ingabo mu bitugu ubwami bwa Arabiya Sawudite.
Iki cyemezo cyo gufunga imisigiti kitareba imisigiti ibiri ariyo umusigiti wa Makka ndetse n’umusigiti w’intumwa uri i Madina.
Ibiro ntaramakuru bya Arabiya sawudite biravuga ko nubwo iki cyemezo cyo guhagarika gusengera cyafashwe n’iyi nama y’abamenyi muri Saudiya, bavuze ko imisigiti itari buhagarike umuhamagaro (Adhana) ugatambuka kuri za mikoro ariko bagasaba abayislam gukorera isengesho mu ngo zabo.
