Ilhan Omar yatsindiye umwanya wo guhagarira aba democarate bo muri leta ya Minesota, uyu mugore w’imyaka 36 yavukiye muri Somalia akurira mu nkambi ya Dadab mbere yo kwerekeza mu gihugu cya USA, nk’umwimukira.
Ilhan yatsindiye kujya mu nteko n’amajwi 72 aho yatsinze uwo bahanganye w’umu Repubulika witwa Jenniffer Zielinski.
Omar yari yatsinze amatora y’ibanze y’uhagararira abademokarate mu kwezi kwa munani uyu mwaka, kuri uyu wa kabiri akaba yaratsindiye kujya muri Kongere ya Amerika (ifatwa nk’inteko ishinga amategeko ya USA)
Abaye umuyislamukazi w’umunyasomaliyakazi wa mbere winjiye mu nteko ya amerika witwikira mu mutwe, cyakora akaba abaye umuyislamukazi wa kabiri winjiye mu nteko usanzwemo Rachida Talib.
Ilhan Omar afite umwihariko na none wo kuba ageze muri Kongere ya Amerika ari umwimukira wa mbere w’umwiraburakazi uyinjiyemo,akab abaye umugore wa mbere uhagarariye leta ya Minnesota.
Aganira n’ibinyamakuru byo muri Amerika, yagaragaje ko yize ururimi rw’icyongereza kuri Televiziyo mu gihe cy’amezi atatu, bakigera muri amerika mu mwaka w’1995,kuko nta cyongereza yari azi.
Umuryango w’abanyamerika b’abayislamu CAIR wakoze ubukangurambaga bukomeye kugira ngo uyu mugore atsinde amatora wishimiye uburyo mu nteko y’Amerika habonetsemo umugore w’umuyislamu ugiye mu nteko nka kimwe mu bigiye kugaragaza amateka ya Amerika ko ari igihugu kitavangura uwari we wese.
Perezida Trump ubwo yiyamamarizaga kuyobora leta zunze ubumwe z’amerika, mubyo yashyize imbere harimo kubuza abayislamu kwinjira muri Amerika, nyuma yo gutorwa akaba yarasohoye itegeko ribuza abaturage b’ibihugu bitanu kwinjira muri Amerika harimo na Somalia Ihlan Omar akomokamo.
