Umugaba w’ingabo zirwanira mu kirere Amir Ali Hajizadeh yatangaje ko ibitero bya Iran ku bigo bya gisirikare bitarangiye ko ahubwo byatangiye kandi ko biri mu rwego rwo kwihorere ku mujenerali w’umunya Iran wishwe n’indege y’amerika itagira umutwazi kuwa gatanu w’icyumweru gishize, ubwo yari mu butumwa bw’akazi i Bagdad muri Irak.
Imbere ya televiziyo ya Iran, uyu musirikare yavuze ko ibitero aribwo bigitangira kandi ko bitazahagarara batari bihorera nyabyo kuri general Qaseem Suleimani.
le figaro dukesha iyi nkuru iravuga ko General Amir Ali yavuze ko icyari kigamijwe muri biriya bitero bagabye muri Irak, bitari ukwica abasirikare ba Amerika ko ahubwo cyari kigamije kwangiza ibikoresho bya gisirikare bya Leta zunze ubumwe z’amerika.
Ibi kandi ngo biri muri gahunda ya Iran yo kwirukana ingabo za Amerika mu karere k’uburasirazuba bwo hagati kandi ko ibitero bitazahagarara kugeza ubwo iki gihugu kizava muri aka gace.
Iran yagabye ibitero ku bigo bya gisirikare bya Amerika biri Irbil na Al Asad mu gihugu cya Irak, Donard Trump yatangaje ko ibyo bitero nta musirikare wa Amerika byahitanye. Umubano w’ibi bihugu usanzwe atari mwiza habe na gato kuva mu mwaka w’1959.
