Mu gihe isi yugarijwe n’icyorezo cya Covid19 iterwa na virus ya Korona, igihugu cy’ubushinwa cyamaze kuyihashya kiravuga ko kimaze kugurisha udupfukamunwa miliyari 4 mu mahanga.
Ubushinwa nicyo gihugu cya mbere cyatangiriwemo n’iki cyorezo ndetse gifata ingamba zikomeye zo kugihashya aho tariki ya 4 Mata abatuye umujyi wa Wuhan bongeye gusubira mu bikorwa bisanzwe.
Leta y’ubushinwa kuri iki cyumweru yavuze ko guhera mu kwezi kwa gatatu imaze kugurisha za Mask miliyari 3 na miliyoni 860, imyenda ikoreshwa mu bwirinzi miliyoni 37,5 ibyuma bifasha guhumeka (vantilators) 16,000 ndetse n’utwuma dupima miliyoni 2,84.
Ubushinwa kandi buravugwa ko bufite ubusabe bw’ibihugu birenga 50 byasabye ko bikorerwa ibi bikoresho byo kurwanya iki cyorezo, muri ibyo harimo Ubuholandi, Philippine,Croatia, Turukiya,na Espagne
Ibi bikorwa byo gukora udupfukamunwa, n’ibindi bikoresho bikaba byarinjirije ubushinwa miliyari imwe na miliyoni 400 z’amadolari, ariko kandi Guverinoma y’ubushinwa ikaba isaba inganda gukora cyane bene ibi bikoresho.
Mu cyumweru gishize, minisiteri y’ububanyi n’amahanga y’ubushinwa yasbye itangazamakuru ryo mu burengerazuba kutagira bene ibi bikorwa ibya politike ko ahubwo ari ibikorwa by’ubuzima bw’abantu
Ikigo cy’igihugu gishizwe ibijyanye n’ubuzima mu bushinwa kivuga ko buri munsi gikora utumashini dupima indwara ya Covid19 miliyoni 4 mu rwego rwo gufasha ibihugu byinshi.
