Kuri uyu wa gatanu, abasheikh batandatu bari bafashwe kuwa kabiri mu masaha ya saa tanu bamaze kurekurwa.
Umwe mubo mu muryango yabo yantangarije ko bamaze kurekurwa, bamwe muri bo twifuje kubavugisha badutangariza ko koko bafunguwe ariko ko bakiruhuka ari nako bari mu bikorwa byo kwizihiza ilayidi.
Aba basheikh bari bafashwe kuwa kabiri ninjoro, Polisi yavugaga ko bari bicaye mu buryo bunyuranyije n’amabwiriza yo kwirinda Korona mu gihe umwe mu bagore b’uwafashwe yari yatangaje ko umugabo we atazi aho aherereye.
Alhamdulillah! Gusa biteye icyo ni iki kubona abantu barahinduwe ibikange maze n’abemera-Mana bakemera kugendera mu mategeko ahonyora uburenganzira bwa muntu kandi bazi ko bafite inshingano yo kuba abahagararizi b’Imana ku isi (Khalifatullah fil ardwi). Imana se yaba yemera akarengane!??? Naho Mufti we u Rwanda nta mufti rufite, rufite umuvugizi wa Leta mu bayislam, maneko ushinzwe gutera ubwoba abayislam ngo bahore ari ibikange. Gusa igihe ni vuba akazicuza kuko nawe azi neza ko iminsi iba myinshi igahimwa n’umwe.